ﺣﺎﺟﻴﺘﻚ ﻣﺎ ﺟﻴﺘﻚ ﻋﻠﻰ ﺍﻟﻮﺍﻭْ ﺑﻨﺖ ﺍﻟﻮﺍﻭْ .. ﺷﺤﺎﻝ ﻭ ﻫﻮﻣﺎ ﺳﺎﻛﺘﻴﻦ ﻣﺪّﺓ ﻫﺎﺩﻱ ﻣﺎ ﺩﻭﺍﻭْ .. ﺩﺍﺯﺕ ﺃﻋﻮﺍﻡ ﻭ ﺳﻨﻴﻦ ﻣﺎ ﺭﺑﺤﻮ ﻣﺎ ﻏﻨَّﺎﻭْ .. ﺷﺤﺎﻝ ﺩﻳﺎﻝ ﺍﻟﻌﺼﻰ ﻛﻼﻭْ .. ﻭ ﻋﻠﻰ ﺳﻴﺎﺩﻫﻢ ﻗﻮْﺳﻮ ﺣﺘﻰ ﻋﻴﺎﻭْ .. ﻣﻦ ﻛﺎﻧﻮ ﺍﻟﺠﺮﺍﺩ ﻛﻞ ﻋﺎﻡ ﻳﺰﻫﺎﻭْ .. ﻫﻮﻣﺎ ﻏﺒﺮﻭ ﻭ ﺗﺨﺒَّﺎﻭ .. ﻛﺘﺒﻮ ﻋﻠﻰ ﺃﻛﺮﻡ ﻓﺎﻟﺤﻴُﻮﻁ ﻭ ﺷﺤﺎﻝ ﺑﻜﺎﻭْ .. ﻫﺎﺩ ﺍﻟﻤﻮْﺳﻢ ﺟﻤﻌﻮ ﻭ ﻃﻮﺍﻭْ .. ﻭ ﻟﺴﻨﻮﺍﺕ ﺍﻟﻘﻬﺮﺓ ﻧﺴﺎﻭْ .. ﻭ ﻓﺎﻟﺘﺨﻠﻮﻳﺾ ﺑﺪﺍﻭْ .. ﺑﺎﻋﻮ ﻭ ﺷﺮﺍﻭْ .. ﻭ ﺍﻟﺒﻄﻮﻟﺔ ﺧﺪﺍﻭْ .. ﻭﺍﺧﺎ ﺭﺍﺑﺤﻴﻦ ﻏﻲ ﺑﺎﻟﻜﺬﻭﺏ ﻃﻐﺎﻭْ .... ﻧﻔﻌﻬﻢ ﺍﻟﭙَّﺎﻡ .. ﻭ ﺧﺮﺟﻬﻢ ﻣﻦ ﺍﻟﻈﻼﻡ .. ﺭﺟﻌﻮ ﻟﻠﺘّﻴﺮﺍﻥ ﻫﺎﺩ ﺍﻟﻌﺎﻡ .. ﻣﻦ ﺑﻌﺪ ﺳﻨﺔ ﺩﻳﺎﻝ ﺍﻟﺼﻴﺎﻡ .. ﺑﺎﺩﻭ ﺗﺎﻫﻮﻣﺎ ﻳﺪﺧﻠﻮ ﻟﻠﻤﺎﺗﺸﺎﺕ ﻭﻳﺪﻳﺮﻭ ﺍﻟﺰﺣﺎﻡ .. ﻭ ﻛﺜﺮﺍﺕ ﻓﻴﻬﻢ ﺍﻟﻬﻀﺮﺓ ﻭﺍﻟﻜﻼﻡ .. ﻗﺎﻟﻚ ﺍﻟﺒﻄﻮﻟﺔ ﺭﻗﻢ 18 ﻭ ﺑﺪﺍﻭ ﻋﺎﻭﺗﺎﻧﻲ ﻓﺎﻷﺣﻼﻡ .. ﻭ ﻫﻮ ﻏﻲ ﻋﻤﻬﻢ ﺍﻟﻨﺎﺻﻴﺮﻱ ﻟﻲ ﺧﺪّﺍﻡ .. ﻭﺷﺤﺎﻝ ﻣﻦ ﻣﺎﺗﺶ ﻛﺎﻧﺖ ﻓﻴﻪ ﻋﻼﻣﺔ ﺍﺳﺘﻔﻬﺎﻡ .... ﺭﺟﻌﻮ ﻟﻠﻤﺪﺭﺟﺎﺕ .. ﻣﻦ ﺑﻌﺪ ﻣﺎ ﻃﺎﻟﺖ ﺍﻟﻤﻌﺎﻧﺎﺓ .. ﻭ ﺳﻤّﺎﻭ ﺭﺍﺳﻬﻢ ﻣﻠﻮﻙ ﺍﻟﺘﻴﻔﻮّﺍﺕ .. ﻭ ﺍﺧﺎ ﺩﺍﻛﺸﻲ ﻋﻨﺪﻫﻢ ﻋﺎﻣﺮ ﺩﻳﻔﻮّﺍﺕ .. ﻭﺷﻼّ ﻧﺎﺱ ﻋﻠﻴﻬﻢ ﺿﺤﻜﺎﺕ .. ﺍﻟﻔﺮﻗﺔ ﺩﻳﺎﻟﻬﻢ ﺭﺑﺤﺎﺕ .. ﺃﻭ ﺑﺎﻷﺣﺮﻯ ﺷﻼّ ﻣﺎﺗﺸﺎﺕ ﺳﺮﻗﺎﺕ .. ﺍﻟﺒﻴﻊ ﻭﺍﻟﺸﺮﺍ ﻏﻲ ﺑﺎﻟﺴﻜﺎﺕ .. ﺍﻟﻜﻮﺭﺓ ﺑﺎﻟﺴﻴﺎﺳﺔ ﺗﺨﻠﻄّﺎﺕ .. ﻳﻐﺒﺮﻭ ﻋﻠﻰ ﺍﻟﺴﺎﺣﺔ ﺳﻨﻮَﺍﺕ .. ﻭ ﻳﺒﺎﻧﻮ ﻏﻲ ﻣﻦ ﺗﻘﺮّﺏ ﺍﻹﻧﺘﺨﺎﺑﺎﺕ .. ﻭ ﻳﻔﺮﻋﻮ ﻟﻴﻨﺎ ﺭﺍﺳﻨﺎ ﺑﺎﻟﻐﻮﺍﺕ !! ﺍﻟﺤﺎﺻﻮﻝ ﺍﻟﻠﻪ ﻳﻨﺠﻴﻚ ﻣﻦ ﺍﻟﻤﻌﺸﺎﻕ ﺇﻻ ﻓﺎﻕ .. ﻭﻣﻦ ﺍﻟﺒﺎﻳﺮﺓ ﺇﻻ ﺿﺮﺑﺎﺕ ﺍﻟﺼﺪﺍﻕ .. ﻭﻣﻦ ﺍﻟﻤﺤﺮﻭﻡ ﻟْــ ﻃﻌﻢ ﺍﻟﺒﻄﻮﻻﺕ ﺩﺍﻕ
0 التعليقات:
إرسال تعليق